Estación de bombeo da canle, con sistemas intelixentes para o control do fluxo de auga.
28.11.2022
Coa obra de regadío Cea-Carrión que discorre nas provincias de Palencia e Valladolid, a construtora Civis Global traballa nunha infraestrutura que dotará de auga a unha zona de 2.135 hectáreas agrícolas contribuíndo a fixar poboación en zonas rurais.
O desenvolvemento dun sistema hidráulico capaz de facer circular a auga ao longo de 42 km de recorrido inclúe instalacións como a estación de bombeo que actualmente está na súa fase final de construción.
Todo o sistema do regadío en execución funciona de xeito eficiente para garantir o mellor aproveitamento da agua, con solucións técnicas pensadas para asegurar unhas necesidades hidráulicas anuais de 4.823 m³/hectárea.
As conducións instaladas impulsan a auga ao través de dous tipos de tubaxes: 30 km. de PVC orientado, un proceso que mellora e aumenta a resistencia e duración do material, e case 12 km de tubaxe de aceiro helicosoldado, de gran resistencia e máxima estanqueidade.
SISTEMA EFICIENTE
Na orixe da canle, unha balsa de almacenaxe totalmente estanca recibe a auga e a conserva minimizando a evaporación.
Baixo a cuberta do edificio de bombeo, que conta con paredes de adobe e palla que lembran as construcións tradicionais na zona, alóxase unha maquinaria totalmente automatizada que ten por misión ofrecer o máximo caudal co mínimo consumo, adaptando o fluxo á distribución prevista da auga entre os regantes.
Tanto a rede como a estación de bombeo dispoñen de sistemas para detectar avarías desde o momento no que existe unha caída de presión no sistema, pechando o fluxo de agua para evitar perdas. Tamén leva incorporados dispositivos que envían sinal de peche cando existen incidencias nas parcelas agrícolas.
Civis Global ten construído outras obras hidráulicas en Castela e León, como a EDAR de Rueda en Valladolid, ou en Andalucía onde construíu o abastecemento de auga á comarca de Écija. Tamén en Galicia executou obras de estacións depuradoras como as de Esteiro (Muros) ou o abastecemento de auga en A Lama.
