Algúns dos camións adaptados para distintos traballos de mantemento nas autoestradas galegas.
22.11.2022
A construtora Civis Global afronta unha nova tempada de inverno na conservación e mantemento das autoestradas galegas AG-53 y AG-54 nas provincias de Pontevedra e Ourense.
Trátase de 40 km de vía en cada sentido, polas que circula un volume de tráfico de aproximadamente 10.000 vehículos diarios, entre Dozón (Pontevedra) e Ourense, con poblacións como Piñor, San Cristovo, Maside, Punxín e O Carballiño.
Para reforzar os traballos habituais de mantemento, e na previsión da chegada de xeadas ou neve nunha zona que supera os 800 metros no Alto de San Martiño, a empresa conta xa cunha serie de medidas preventivas, entre as que destaca a entrada en servizo dunha nova flota de camións multifunción que poden transformarse en pás quitaneves.
Ademais deste equipamento específico de conservación e mantemento, a base de operacións dispón tamén dun depósito de 100 toneladas para almacear o sal usado para diluír a neve e unha planta de fabricación de ata 300 toneladas de salmoira, material preventivo para as xeadas, elaborado a base de sal marino e auga.
Unha base de operacións e control na que traballan 5 persoas, asegurando un servizo continuo (365/24) en turnos rotativos. O equipo técnico conta con 20 homes e mulleres que desenvolven as distintas operacións de mantemento, desde a limpeza vexetal e conservación dos sistemas de drenaxe, ata a reposición de elementos de equipamento na vía (sinais, fitos, paneis).
Polas características específicas destas vías interiores en Galicia, préstase especial atención ao valado, con revisións periódicas, para evitar eventuais accesos á estrada de animais como corzos ou xabaríns.
Civis Global ten ampla experiencia en infraestructuras viales e na súa división de Servizos desenvolve distintos contratos de conservación e mantemento vial en Asturias e Galicia.
