Civis Global constrúe o novo mercado do centro de Vigo

Vista dunha das fachadas do mercado de O Progreso, na zona centro de Vigo.

30.11.2016

Civis Global acaba de concluír a rehabilitación integral e modernización do mercado de O Progreso, situado no centro de Vigo. O traballo da construtora galega fíxose en varias fases, tanto na estrutura xeral do edificio da praza de abastos como cos postos individuais de venda de cada comerciante, así como habilitando zonas de paso e un área de descanso e lecer na terraza do mercado.

O conxunto de tres plantas está conectado por un gran ascensor panorámico, ademais de escaleiras mecánicas. Desde o exterior, accédese ao edificio en tres niveis distintos desde as diferentes rúas que rodean o edificio: Progreso, Eduardo Iglesias e Ronda de Don Bosco.

O mercado do Progreso está situado nunha zona histórica do centro de Vigo. Moitos dos edificios da contorna seguen actualmente nun proceso de rehabilitación. A nova construción contrasta e realza ao mesmo tempo o espazo urbano.

Edificio para Solvia

A construción civil segue a ser unha das apostas de Civis Global, que ten entregado recentemente un edificio de 16 vivendas na rúa la Pi i Margall, para a inmobiliaria Solvia do Banco Sabadell.

Tamén neste caso a construción e rehabilitación realizouse adaptando os materiais de carpintería e forxa en galerías e balcóns para respectar o deseño histórico orixinal. A rúa Pi i Margall de Vigo conta agora no seu arranque cun novo elemento de continuidade coa tipoloxía existente nesta contorna, a un paso dun área tan emblemática como o Paseo de Alfonso XII.