Civis Global constrúe un paseo natural que baixa ao mar no borde marítimo de Bouzas

Unha zona do paseo de Bouzas, con xardíns e tumbonas entre o sendeiro de terra e o a zona de madeira xunto ao mar.

5.10.2023

A obra executada por Civis Global para o novo paseo de Bouzas en Vigo é unha destacada actuación de reforma urbana realizada na confluencia do dominio marítimo terrestre coa cidade. A actuación crea un novo espazo naturalizado de 8.000 m² para o ocio urbano xunto ao mar.

O proxecto supón a renovación e mellora de toda a infraestrutura básica existente, tanto o saneamento urbano como os servzos de auga, luz, electricidade ou comunicacións, instalando as novas conducións ao longo dun traxecto de 200 metros no borde marítimo de Bouzas, entre a igrexa de San Miguel e o viaduto da G-20.

A remodelación habilita un espazo para o paseo que integra as distintas zonas de uso e destaca as instalacións singulares. Todo o conxunto conta cun mobiliario específico e fabricado sobre o terreo en formigón branco, que combina funcións de bancos ou tumbonas e nalgúns casos adopta formas escultóricas integradas na paisaxe.

Destacando o patrimonio

Nun primeiro tramo, máis urbano e patrimonial, o pavemento de granito alterna no interior coa madeira de elondo, que discorre xunto ao mar na totalidade do recorrido. O traxecto está salpicado con pequenas zonas axardinadas e unha serie de instalacións con pérgolas. Son lugares para o encontro e a hostalería que contan cun sistema específico de iluminación para realzar as fachadas máis patrimoniais.

Sensación de natureza

O paseo desemboca a continuación na zona máis naturalizada, onde o pavimento se convirte en sendeiro de terra rematado en xabre e salpicado de illas de vexetación con plantación de especies autóctonas. Entre elas destacan os bidueiros e salgueiros de gran porte que se conservaron durante a execución das obras.

Graderío con acceso ao mar

Neste tramo central destaca un graderío con bancadas en formigón que descenden ata a praia e comunican o paseo co mar. Ademais construíuse unha rampla lonxitudinal reaproveitando unha escolleira existente para facilitar a accesibilidade completa á zona de gradas. É o elemento máis destacado e complexo, ao estar construído nunha zona de marea. Unha instalación polivalente para o baño ou o descanso, que reduce os custes de mantemento do paseo.

Xardín vertical

O final de paseo xunto á VG-20 acaba bordeando unha pequena zona de praia que agora queda enmarcada nun xardín vertical disposto ao longo do tramo.

A construtora Civis Global ten desenvolto importantes obras de reforma urbana como a remodelación da Praza de Armas en Ferrol ou a Porta do Sol en Vigo, ademais de construír sendas peatonals e ciclistas (A Ramallosa-Gondomar) ou paseos sostibles en zonas naturais como o Camiño Portugués a Santiago.

El paseo a vista de pájaro