Vista aérea da planta conserveira de Cerqueira en Rianxo, construción de Civis Global con instalación depuradora de augas residuais, equipamento para enerxía solar e cargadores para vehículos eléctricos.
31.10.2023
A empresa Civis Global ten sido recoñecida como Empresa Circular e Empresa Innovadora polos respectivos indicadores ARDÁN para 2023.
Os indicadores son publicados nun informe elaborado a partir dunha ampla consulta con datos de 37.900 empresas asentadas en Galicia. Constitúe a máis completa base de información económica e empresarial de Zona Franca de Vigo e os seus datos son considerados a mellor referencia da excelencia empresarial.
As métricas resultantes serven para poñer de relevo o grao de modernización do tecido empresarial, establecendo unha serie de áreas de consulta significativas, que abranguen desde a fortaleza financeira e a capacidade de xeración de riqueza das compañías ata o seu desempeño nos ámbitos da innovación, a economía circular, a igualdade laboral ou a xestión do talento.
Civis Global obtiña anteriormente diversos recoñecementos de ARDAN en áreas significativas pola súa actividade como empresa construtora.
