Civis Global inaugura a nova planta pesqueira de Atunlo en Vigo

Interior das cámaras frigoríficas da factoría pesqueira construídas por Civis Global.

05.10.2016

Civis Global concluíu nun tempo récord as obras de reconstrución e nova instalación dunha gran planta pesqueira incendiada no porto de Vigo. A construtora galega iniciou este verán un complexo e rá´pido traballo de edificación industrial, rematado en só catro meses coa entrega aos novos propietarios da  factoría de conxelado e procesado de peixe. A planta pertence agora a Atunlo, do grupo galego Frigalsa, que hoxe inaugurou as novas instalacións.

Civis Global realizou un traballo de recuperación integral. Xa en agosto de 2015 (data do incendio) participou en quente nos primeiros traballos de apertura de vías para bombeiros e retirada de cascallo, que permitiron salvar parte da estrutura e instalacións.

Civis Global construíu toda a instalación dos elementos prefabricados para o peche completo da nave, así como do sollado ventilado e a cámara frigorífica en sí, con todos os equipos necesarios para a seu  funcionamento.

Na área de obra industrial, Civis Global ten tamén en marcha a construción en Vigo da nova sede social do Real Club Celta de Vigo, unha gran nave multiusos para o Consorcio da Zona Franca de Vigo e PSA Peugeot Citroën, así como a construción dunha nova planta de produción de compoñentes do automóbil para o grupo Antolín en Portugal.