Civis Global participa na proposta de estratexia industrial de Galicia

De esquerda a dereita, Lucía Fernández, xerenta do Foro Económico de Galicia e Albino Prada, autor do informe, xunto ao presidente de Civis Global, Víctor del Canto.

13.07.2017

O presidente de Civis Global, Víctor del Canto, foi o encargado de presentar o estudio elaborado polo Foro Económico de Galicia Unha estratexia industrial para Galicia do que é autor o profesor de Economía Aplicada da Universidade de Vigo, Albino Prada.

O informe analiza a evolución da produción material en Galicia entre os anos 2000 e 2015 para ofrecer unha serie de propostas de mellora a medio e longo prazo. Segundo as conclusións do estudio, Galicia debe incrementar o número e o tamaño das súas empresas e insistiren la en iniciativas de concentración industrial para mellorar o seu saldo comercial.

Ademais, o déficit tecnolóxico e de financiamento son obstáculos que diminúen o valor transformador das industrias manufactureiras galegas. As actividades dos sectores máis tecnolóxicos e innovadores non teñen un peso suficiente no conxunto da economía galega e están case 5 puntos por abaixo das principais comunidades españolas (Cataluña e País Vasco).

No período analizado polo estudio si melloran en cambio a produtividade e o saldo comercial exterior, pero o traballo do Foro Económico de Galicia insiste en recomendar a transformación das estruturas industriais cara unha produción de maior valor engadido, reforzando estratexias baseadas na posición estratéxica na eurorrexión Galicia-Norte de Portugal.

A compañía construtora galega Civis Global participou no debate do Foro Económico de Galicia para a concreción da proposta presentada no Círculo de Empresarios de Galicia en Vigo.