Un aspecto do paseo actual co carril bici sobre pavimento en granito e un dos bancos axardinados instalados.
3.5.2022
A construtora Civis Global completa os traballos de renovación na fachada marítima do paseo de As Avenidas para a Autoridad Portuaria de Vigo, que agora conta cun carril bici que enlaza e dá continuidade ao itinerario existente na cidade.
A obra realizada consiste na reposición de toda a superficie en pedra do paseo que bordea o mar, desde o extremo este que limita co malecón e o peirao, ata a dársena de A Laxe no lado oeste.
As actuacións cubren unha extensión aproximada de 6.000 m2, construída en lousas de granito azul platino. Un conxunto de seis grandes bancos con xardineiras en formigón branco delimitan a plataforma en pedra e o área de madeira que chega ata o mar. Os bancos están dotados ademais dun sistema de iluminación led que de noite os destaca como estruturas singulares do paseo.
A estas reformas e a sinalización do trazado para carril bici engádense os aparcabicis en distintas zonas y e a renovación duns vinte báculos de luz para dotalos de luminarias leds máis eficientes.
Coa actuación realizada durante un período aproximado de 11 meses, recupérase este área fundamental para o paseo e o ocio urbano.
Civis Global traballa tamén nas obras de adaptación do paseo marítimo do barrio de Bouzas, onde desenvolve traballos de remodelación do espazo e renovación de todas as infraestruturas de servizos.
