Traballos de soldadura durante as obras de renovación da ponte sobre a PO-254 en Mondariz
2.11.2021
A evolución cara unha economía cada vez máis circular e sostible é unha visión compartida por Civis Global. A empresa presta a máxima atención ás medidas orientadas a pechar o ciclo de vida dos materiais que utilizamos no desenvolvemento da nosa actividade.
Por este esforzo Civis Global ten sido recoñecida un ano máis co indicador de economía circular ARDAN, do Consorcio de Zona Franca de Vigo.
Un valor que se expresa significativamente ao través da súa área de servizos de conservación de estradas e estruturas: a programación dun mantemento eficaz é imprescindible para alongar á vida útil de custosas instalacións públicas. Recentemente, tense posto de relevo nas obras do viaduto da AP-9 sobre a ría de Pontevedra. Reflíctese tamén ese impulso na conservación dun itinerario natural como é o Camiño de Santiago, no seu tramo portugués e o da costa en Muxía-Fisterra: unha vía que promove un modo sostible de viaxar.
Do mesmo xeito que reciclamos materiais de oficina, incorporamos unha flota de vehículos eléctricos, traballamos na recuperación e reaproveitamento de materiais de construción. Directamente, como na recuperación de 40.000 Tn de residuos aproveitables nas obras do AVE en Pajares (Asturias), ou indirectamente, como cando repoboamos unha extensión de 20 hectáreas de faias para compensar a pegada de carbono na construción dunha depuradora en Rueda (Zamora).
