A entrega dos premios Aproin tivo lugar no Círculo de Empresarios de Vigo.
12.04.2019. Dúas obras realizadas pola construtora galega Civis Global reciben o premio Aproin 2018 como a mellor construción non residencial e a mellor rehabilitación do ano, que outorga a Asociación de Promotores Inmobiliarios de Pontevedra (Aproin). O obxetivo do premio, que celebra os seus XXV anos de historia, é poñer en valor a promoción inmobiliaria de calidade, recoñecendo aos proxectos e execucións de construcción mellor desenvoltos cada ano na provincia de Pontevedra. As edificacións de Civis Global galardoadas na cita son a nave e o edificio corporativo construídos para a empresa Ecoforest Geotermia S.L., ubicados no polígono de Porto do Molle (Nigrán), e o actual edificio corporativo da compañía Interatlantic Fish S.L.U. situado en Vigo, respectivamente.
A obra realizada para Ecoforest Geotermia S.L. en Porto do Molle, que inclúe a construción dunha nave e un edificio corporativo, inaugurouse en decembro de 2018. Os traballos de construción da nave, que conta cunha superficie de 15.000 metros cadrados, dos cales case 9.000 corresponden á zona de produción, remataron no mes de xullo de 2018 tras oito meses de obras, polo que a actividade produtiva da nova factoría puido comezar no mes de agosto. A pranta tamén conta cunha zona de cuberta visitable e espazos destinados a almacens e oficinas, cuxa instalación finalizou en novembro
A rehabilitación da actual sede empresarial das oficinas da compañía pesqueira Interatlantic Fish S.L.U., que pertence ao grupo Kabak Inversiones, toma como referencia o edificio que foi construído no ano 1899 polo arquitecto Michel Pacewick, destinado ás instalacións da antiga aduana de Vigo. O inmoble, reconvertido nunha moderna sede empresarial, é a primeira edificación existente a principios do século XX na que se coñecía como rúa do Ramal, que comezaba na zona portuaria.
