Nova acreditación a Civis Global para obras públicas en Portugal

VALENÇA, 11/01/17. CONSTRUCCION NUEVA NAVE EMPRESA AUTOMOCION ANTOLIN EN VALENÇA DO MINHO (PORTUGAL)
VALENÇA, 11/01/17. CONSTRUCCION NUEVA NAVE EMPRESA AUTOMOCION ANTOLIN EN VALENÇA DO MINHO (PORTUGAL)

Estrutura da nave que Civis Global constrúe actualmente en Valença (Portugal).

6.02.2017

A construtora viguesa Civis Global acaba de recibir autorización oficial das autoridades portuguesas para poder contratar obras públicas no país e que se suma á acreditación para a realización de obras privadas.

O denominado Alvará de empreiteiro de obras públicas amplía o permiso do que dispoñía xa a compañía desde marzo de 2016 para acometer obras privadas por un importe de ata 5,3 millóns de euros en territorio luso. O certificado esténdese entre outras actividades á construción de edificios, a rehabilitación patrimonial, as vías de comunicación ou as infraestruturas.

A acreditación está expedida por tempo indeterminado polo Instituto dos Mercados Públicos da Inmobiliaria e da Construcción (Impic), organismo público que regula a calidade das empresas do sector para operar en Portugal.

Civis Global está a realizar importantes obras privadas en Portugal, especialmente no sector de instalacións industriais, onde constrúe unha nave para automoción en Valença do Minho e desenvolve a fase previa para outra planta automobilística en Mangualde.