Unha parada de bus en Navia, con pavimentos diferenciados por zonas e o novo pavimento de baldosas fotocatalíticas instaladas tras a reforma.
26.4.2025
A reforma emprendida na rúaTeixugueiras do barrio de Navia, en Vigo, é un importante traballo de humanización e renovación de servizos.
A actuación esténdese en dous tramos diferenciados sobre unha lonxitude de 500 m. na principal arteria do polígono residencial.
A obra principal é a substitución de colectores para saneamento e augas pluviais, con novas tubaxes que dan servizo a un área urbana densamente poboada. Unha actuación complexa, con escavación nun terreo arxiloso e con ata 5 m. de profundidade.
Ademais da reforma integral dos servizos de saneamento, esta reforma consegue mellorar unha contorna residencial dotado de amplas beirarrúas, con ata 9 m. de ancho.
Sobre esa superficie instálase un pavimento onde alterna de lousas en granito con baldosas fotocatalíticas tricolores, capaces de degradar o óxido de nitróxeno procedente da combustión de vehículos.
Para adaptar o área ás máximas esixencias de accesibilidade visual, no pavimento alternan superficies diferenciadas para marcar entradas de garaxes, paradas de bus e pasos de peóns.
Ademais a zona conta agora con novos farois de iluminación led e instálanse tamén reforzos lumínicos nos pasos de peóns para mellorar a seguridade viaria.
A remodelación serviu para aportar una vexetación específica e colorista nas zonas de mediana, onde alternan un tapiz de loropétalos e diosmas, intercaladas con rododendros. As xardineiras nas esquinas das beirarrúas están cubertas por lantanas. Destaca tamén a plantación de especies arbóreas moi adaptadas a contorna urbana como o liquidámbar ou o ginkgo.
A obra complétase cos traballos realizados nas dúas rotondas, nunhas das cales instalouse unha fonte naturalizada cunha árbore integrada no conxunto. Un biofiltro con especies macrofitas e grava natural mantén purificada a auga bombeada entre os dous vasos que a compoñen.
Con esta obra Civis Global pon en acción a súa experiencia en reforma urbana, combinando novas tecnoloxías e sistemas eficientes para a mellora da contorna.
