Fachada principal da nave construída para Sogacsa en Porto de Molle (Nigrán – Pontevedra).
11.5.2021
Civis Global constrúe no polígono industrial Porto de Molle, en Nigrán (Pontevedra), unha nave industrial para a empresa de carretillas industriais Sogacsa (Sociedade Galega de Carretillas Elevadoras). A planta está destinada principalmente ao uso loxístico e os labores de comercialización e mantemento dos equipos que subministra a empresa.
A construción aporta distintas melloras que combinan a función industrial cun acabado final espectacular. O uso de muros cortina en cristal de ata 10 metros de altura encadrados en marcos de composite vermello identifican a fachada principal.
O pintado exterior dos muros de formigón prefabricado mellora a impermeabilización e dá un aspecto máis uniforme a esta edificación industrial.
A nave ten unha superficie de máis de 3.500 m², con dúas plantas para o área administrativo-comercial e un área diáfana para a actividade especificamente industrial.
Civis Global, compañía líder no sector de edificación industrial privada, suma unha nova execución en Porto de Molle, o área industrial de Zona Franca de Vigo en Nigrán, onde ten construído a sede industrial da compañía Ecoforest inaugurada en 2018 e o Centro de Negocios CIE (Centro de Iniciativas Empresariais) de Zona Franca de Vigo en 2010.
