A planta da empresa de compoñentes para o automóbil de Aludec, en Viana do Castelo, Portugal.
21.1.2021
Coa construción da planta de produción de subministracións para o automóbil da empresa Aludec, Civis Global reforza o seu papel para un sector clave, onde ten levantado na última década máis de 32.000 m2 de instalacións.
A nave destinada á estampaxe e acabado de compoñentes para o automóbil de Aludec está situada no Parque Empresarial de Lanheses en Viana do Castelo, Portugal.
A construción executada por Civis Global ten un total de 6.000 m2, dos que a metade corresponden ao área de produción. A edificación, de 12 metros de altura, conta cunha zona de oficinas en planta baixa e entreplanta, e un área de servizos laborais. Ademais dispón de dous sotos para usos de maquinaria e almacenaxe e dous peiraos de carga para mercadorías. A obra complétase coa urbanización completa da parcela, incluída a zona de aparcadoiro para traballadores e clientes.
Civis Global ten desenvolto nos últimos anos diversas obras para o sector de automóbil en Portugal, en Valença do Minho e no área de Lisboa.
En Galicia, a obra para a automoción máis destacada é a construción da Nave Multiusos (Nave H) de PSA, no polígono industrial de Balaídos, en Vigo.
