Traballos de instalación da rede de condución de grandes tubaxes para a rede de calor de Valladolid
29.1.2024
Valladolid terá unha rede de calor sustentable baseada no uso de enerxía renovable e eficiente. Civis Global traballa para dotar á zona oeste de Valladolid dunha rede de calor baseada en enerxía renovable, nunha obra realizada en UTE xunto a Hergonsa e Inmeva.
O sistema en instalación conta cunha caldeira de biomasa que quenta a auga ata os 90o, xerando a enerxía necesaria para uso de calefacción e auga quente.
A obra consiste na construción dun circuíto de ida e volta de 10,5 km. que leva a enerxía ata os edificios de vivendas, oficinas ou institucións existentes na zona oeste de Valladolid.
A rede conta con tubaxes de aceiro preaillado de ata 50 cm de diámetro, recuberta por senllas capas de poliuretano e polietileno.
Deste xeito, o circuíto mantén a temperatura case constante ao longo do recorrido entre a central e os os usuarios finais, o que a converte nun sistema de enerxía moi eficiente e que serve de alternativa a outras enerxías utilizadas para uso doméstico.
Civis Global ten ampla experiencia na instalación de infraestruturas para enerxías renovables tanto en instalacións urbanas, como en construcións industriais (Cerqueira). En Castela e León ten executado tamén importantes traballos de canalización como o bombeo e a rede de regadío do sistema Cea-Carrión.
