Civis Global inicia a volta á normalidade

frioya 2
frioya 2

Traballos para a construción da nova planta de Frioya no Polígono de A Veigadaña, en Mos.

13.4.2020 

Civis Global reinicia as obras en marcha tras a obrigada paralización de todas as actividades non esenciais decretadas polo Goberno desde o 30 de marzo ata o 9 de abril. Retomamos o noso traballo e volvemos a unha versión da normalidade máis esixente ca nunca.

Primeiro porque se trata de reiniciar unha actividade necesaria para manter os moitos postos de traballo e servizos asociados á construción. E ademais pola necesidade de manter no noso ámbito laboral todas as garantías e a responsabilidade que esixen as actuais circunstancias.

A nosa compañía ten tomado as medidas para reforzar ao máximo as medidas de prevención e protección contra o Covid-19, entre as que están as medidas de hixiene básicas, o aumento da distancia social, as quendas en vestiarios e zonas comúns ou a autoavaliación dos eventuais síntomas de enfermidade.

Un reto para o que a nosa empresa conta co equipo e a cultura preventiva en seguridade laboral necesaria como teñen demostrado as distincións recibidas nos últimos exercicios.