Traballadores de Civis Global no comedor habilitado nunha caseta de obras. (Fotografía cortesía R. Grobas – Faro de Vigo)
29.1.2021
O ano 2020 será sempre o ano da pandemia. Desde o inicio dun estado de alarma o 14 de marzo, as empresas de todos os sectores tiveron que adaptarse e en Civis Global tivemos que realizar un grande esforzo organizativo e económico para tomar todas as medidas de prevención pertinentes. Unha tarefa que resulta imposible sen a colaboración e implicación de todos os equipos.
No caso da construción, a prensa reflicte a dificultade para resolver cousas tan cotiás como a adaptación de casetas de obra como comedores obrigatorios, unha vez clausurado o habitual recurso á hostalería.
É solo unha anécdota nun panorama de medidas e reformas bastante máis amplo e custoso: só en compras de material de protección engadíronse máis de 100.000€ de gastos.
En Civis Global o esforzo centrouse desde o comenzo na transmisión de información sanitaria, a xestión de subministracións e a formación para a prevención. Con eses principios e a implicación total dos distintos equipos profesionais, temos conseguido conter a situación ao longo do ano.
Ao marxe dos custes de produción que supón traballar en condicións limitadas por unha pandemia, Civis Global logrou manter un bo ritmo de traballo. Pero o importante é que detrás das cifras de actividade hai un esforzo persoal e solidario que queremos destacar como noso valor máis prezado.
