A zona de aparcadoiro do supermercado Familia en Melide, cun orixinal tratamento para a cuberta.
18.6.2021
Coa construción doutra nave comercial para Vegalsa en Melide (A Coruña), a construtora galega Civis Global continúa crecendo en servizos de edificación industrial para o sector alimentario.
A compañía xa construíu para Vegalsa o hipermercado Eroski en Vilagarcía e o centro Familia do mercado do Progreso en Vigo.
A obra de Melide mellora o entorno urbano tanto no aspecto funcional como no estético.
Os 12.000 m² do ámbito de actuación inclúen máis de 2.000 m² para zona comercial e espazos de loxística e almaceamento de mercadorías. O perímetro e os accesos da parcela quedan resaltados por áreas axardinadas con arborado.
Na zona de aparcadoiro o tratamento especial das cubertas, presenta unha superficie a 20 augas con distintas alturas e pendentes, que evocan as liñas dos tellados das vivendas e aportan continuidade visual co entorno.
Civis Global é unha empresa galega de construción con presencia destacada no área industrial onde executa proxectos para sectores destacados na automoción, empresas conxeladoras ou loxísticas.
